“تاریخی اعتبار سے بالعموم اکثر مذاہب ہندو مت، جین مت، بدھ مت، عیسائیت، مائویت، شنتومت، کنفیوشسیت، شمن ازم، موسویت، زرتشت اور اسلام مشرق ہی سے ظہور پذیر ہوئے ہیں لیکن سوال مذاہب کا نہیں بلکہ نفسِ مذہب کا ہے۔ کیا کوئی ایسی سرزمین ہے جس کے باشندے مذہبی احساس سے بیگانہ رہے ہوں، خواہ اس کی نوعیت کچھ ہو؟ قدیم سے قدیم وحشی انسانوں سے لے کر جدید سے جدید مہذب انسانوں تک مذہب کی روح کسی نہ کسی شکل میں ضرور موجود رہی ہے۔ یعنی انفس و آفاق کے باہمی ربط کا وجدان، عظیم کائناتی قوتوں کے ساتھ ربط، افرادِ بشر کا فوقانی قوتوں پر مطلق انحصار، قدرت کے پراسرار عوامل کے سامنے اطاعت و تسلیم و نیابت، مافوق الفطرت پر اعتقاد و خوف، رومانندگی اور بیچارگی کا احساس جو توانے انسانی کے آزاد و عمل میں سدِ راہ ہوں وغیرہ وغیرہ۔ مذہب کے وسیع ترین مفہوم کے مطابق ممکن نہیں کہ کوئی انسان کبھی مذہب سے بیگانہ رہا ہو۔”