Urdu Literature CSS Paper II 2015

سوال نمبر 2: شاعر کے حوالے سے صرف دو اجزاء کی تشریح کیجیے

(الف) کسی قوم کا جب اُٹھتا ہے دفتر
تو ہوتے ہیں مسخ ان میں پہلے تونگر
کمال ان میں رہتے ہیں باقی نہ جوہر
نہ عقل ان کی ہادی نہ دین ان کا رہبر

(ب) خرد کے پاس خبر کے سوا کچھ اور نہیں
ترا علاج نظر کے سوا کچھ اور نہیں
ہر اک مقام سے آگے مقام ہے تیرا
حیات ذوقِ سفر کے سوا کچھ اور نہیں

(ج) ضبط کا عہد بھی ہے شوق کا پیمان بھی ہے
عہد و پیمان سے گزر جانے کو جی چاہتا ہے
درد اتنا ہے کہ ہر رگ میں ہے محشر برپا
اور سکوں ایسا کہ مرجانے کو جی چاہتا ہے

سوال نمبر 3: سیاق و سباق کے حوالے سے کسی ایک اقتباس کی تشریح کیجیۓ

(الف) یہ بڑا عجیب منظر تھا۔ رات کے اندھیرے میں صبح ہولے ہولے گُھل رہی تھی۔ چڑیاں ایک دوسرے کو رات کے خواب سنانے لگی تھیں۔ بعض پرندے پر ہلاۓ بغیر فضا میں یوں تیر رہے تھے جیسے مصنوعی ہیں اور کُوک ختم ہو گی تو گر پڑیں گے۔ ہوا بہت نرم تھی اور اس میں ہلکی ہلکی لطیف سی خنکی تھی۔ مسجد میں وارث علی اذان دے رہا تھا۔ یہ وہی سُریلی زبان تھی جس کے بارے میں ایک سِکھ سمگلر نے یہ کہہ کر پورے گاؤں کو ہنسا دیا تھا کہ اگر میں نے وارث علی کی تین چار ازانیں اور سن لیں تو واہگرو کی قسم کھا کے کہتا ہوں کہ میرے مسلمان ہوجانے کا خطرہ ہے۔

(ب) کبھی کبھی اچانک کسی کے چہرے پر خاموشی اور غم کی دبیز لہریں چھا جاتی ہیں۔ کیا اس لمحے اسے مراجعت کی فکر ہوتی ہے کیا موت کا مہربان سایہ اس پر پڑتا ہے؟ کیا آباٰی وطن کی طرف لوٹ جانے کی آرزو ہر ذی روح کو یہاں کی لزتوں میں بھی نا آسودہ رکھتی ہے؟ کبھی کبھی بھری محفلوں میں شام کے وقت سب خاموش ہو جاتے ہیں کیونکہ موت کا فرشتہ وہاں سے گزرتا ہے اور سب کی سایکی جانتی ہے کہ انسان موت کی مدد کے بغیرمکمل طور پر آزاد نہیں ہو سکتا۔ خواہشات کا تمام بوجھ انسان کے کندھوں سے اتارنے والی صرف موت ہے۔

سوال نمبر 4: سروادی سینا کے تناظر میں فیض احمد فیض کی غزلیہ شاعری کی خصوصیات قلمبند کیجیے

یا

مختار صدیقی کا اردو نظم نگاری میں مقام متعین کیجیے

سوال نمبر 5: احمد ندیم قاسمی کے افسانے دیہات کی حقیقی عکاسی کے مظہر ہیں۔ اس راۓ کی روشنی میں ان کے افسانوں کا جائزہ تحریر کیجیے

یا

مشتاق احمد یوسفی کی مزاح نگاری کی نمایاں خصوصیات پر اظہارِ خیال کیجیۓ